Модерна очекува нивната вакцина да биде ефикасна против нов вид на вирус

Компанијата Модерна објави дека очекува имунитетот стекнат со нејзината вакцина против коронавирусот да биде заштита и од нов вид на коронавирус. 

Компанијата ја направила таа проценка врз основа на претходните податоци, пренесува Ројтерс. 

Од Модерна наведуваат дека планираат да спроведат тестирање за да ја потврдат ефикасноста на вакцината против кој било вид на вирус.

„Веќе ги тестиравме серумите на луѓе и животни вакцинирани со нашата вакцина против претходните варијанти на вирусот SARS-CoV-2 кои се појавија уште од почетокот на пандемијата и се покажа дека вакцината е сè уште ефикасна“, истакнува американската компанија. 

Во соопштението се додава дека дополнителни тестови ќе бидат спроведени во наредните недели.