Дали претерувате со пиење кафе? Овие осум знаци се доказ дека треба да ја промените таа навика
За многумина животот е незамислив без кафе, особено наутро. Сепак, прекумерното пиење на омилениот црн пијалок, особено ако често пиете газирани или енергетски пијалоци кои содржат кофеин, може да доведе до „предозирање“ и зависност. Овие осум знаци покажуваат дека на вашето тело не му се допаѓа таа прекумерна љубов што ја имате кон кофеинот.
- Имате главоболка
Истражувањата покажуваат дека повеќе од 50 проценти од луѓето кои редовно пијат кафе имаат умерена до тешка главоболка ако само еден ден пропуштат да пијат кафе.
2.Вашето срце е во петта брзина
Ако срцето ви чука и „скока“ после пиењето кафе, голема е веројатноста дека кофеинот е „виновен“ за тоа. Некои луѓе се чувствителни и на мала количина кофеин.
- Се чувствувате немирно и вознемирено
Можеби тоа e предизвикано од вашето утринско кафе. Некои луѓе се многу чувствителни на кофеин, па затоа почнуваат да чувствуваат немир, раздразливост, па дури и вознемиреност по само една шоља кафе со кофеин. Од друга страна, има и такви на кои им пречи кафето без кофеин.
- Мрзливи сте и се карате
Нервозни сте ако не сте го испиле утринското кафе? Кофеинот е стимуланс кој дава енергија и „подобро чувство“, но ако сте лошо расположени кога не пиете кафе, вие сте всушност зависни.
- Не можете да спиете
Ова е причината зошто луѓето пијат кафе додека се уморни. Кофеинот го зголемува нивото на адреналин, така да може да се чувствувате поенергично и будно. Може да помогне во понеделник наутро кога ќе ни треба енергетски поттик. Но, во текот на денот, ако консумирате кофеин неколку часа пред да одите во кревет, тоа се меша со вашиот биолошки часовник. Нема да спиете добро ноќе, па ќе бидете уморни наутро.
- Имате развиено „имунитет“ на кофеин
Ако треба да пиете многу кафе за навистина да ја зголемите својата енергија, тоа може да значи дека вашето тело е толку навикнато на големи количини на кофеин, што помалку ги доживува неговите ефекти. Ова ве става во магичен круг бидејќи пиете сè повеќе кафе.
- Ве мачи зголемен глад
Некои луѓе се обидуваат да го намалат апетитот со кофеин, но пиењето премногу кафе всушност може да има спротивен ефект. Кофеинот ја зголемува работата на хормоните кои го стимулираат чувството на глад.
- Се чувствувате како да не можете без кафе
Ако мислата да се откажете од утринското кафе предизвикува благ напад на паника кај вас, зарем тоа не е знак дека сте зависник? Сепак, не обидувајте се да „пресечете“, туку обидете се постепено да го намалувате внесувањето на кафе, малку по малку, за да не ве совлада силен замор и главоболка.
