Петте најдобри новогодишни online прослави што можете бесплатно да ги следите од вашиот дом
2020 година не беше година каква што си ја замислувавме на почетокот, но тоа не значи дека не можеме да ја „избркаме“ со стил.
Иако сме свесни за фактот дека повеќето луѓе ќе останат дома, мора да забележиме дека постојат забавни и интересни начини како можеме да ја поминеме новогодишната ноќ. Ако останете дома или одите во домовите на оние кои исто како вас ги почитуваат мерките, направивме водич кон најдобрите виртуелни настани што можете бесплатно да ги следите. Ова се нашите фаворити кои можат да ја направат новогодишната ноќ поубава и пријатна.
Defected’s final ‘We Dance As One’ party
Оваа новогодишна ноќ ќе можете да се забавувате со звуците на најдобрите светски H house изведувачи. Ако сакате добар електронски звук и ако ви недостасува танцувањето и гужвата низ клубовите, пронајдете ги на нивната Фејсбук страница и следете ја оваа забава за танцување бесплатно.
Jean-Michel Jarre во живо од Notre-Dame
Jean-Michel Jarre е едно од најголемите музички имиња на денешницата. Овој француски композитор и изведувач ќе можете да го следите во живо. Jarre виртуелно ќе биде сместен во една од најневеројатните згради на светот – црквата Notre-Dame, додека својата музичка магија ќе ја изведува во студио во близина на црквата. Ова не треба да се пропушти!
Hogmanay во Единбург
„Hogmanay“ – шкотски збор за новогодишната ноќ – е традиција на која присуствуваат скоро 150.000 посетители секоја година, три дена во Единбург. Прославата започнува со светкава поворка под факели, на 30 декември и продолжува до Нова година. Оваа година, оваа традиција ќе се изведува преку Интернет, користејќи беспилотни летала и овој визуелен празник што ќе може да го следи целиот свет целосно бесплатно.
YouTube забава со Дуа Липа
YouTube се потруди да им понуди разнобојни програми на луѓето што ќе останат дома. Покрај Дуа Липа, ќе можеме да следиме и настапи на многу други sвезди кои ќе не забавуваат и ќе ни ја разубават новогодишната ноќ преку музика или говор. Метју Меконахи, Деми Ловато, РуПол, Ема Чембрлен, Дуа Липа, Карол Г и Кејн Браун се само некои од нив.
Новогодишна ноќ на Тајм Сквер
Секој посакува барем еднаш во животот за новогодишната ноќ да се најде во Њујорк. Иако оваа година сè е откажано, славниот дочек на Новата година на Тајм Сквер и спуштањето на топката ќе можеме да го гледаме од нашите домови. Секој што сака да присуствува на овој дочек ќе може виртуелно и да прошета низ Тајм Сквер.
