Докажано: Алкохолот не може да ја ублажи тагата

Иако се вели дека алкохолот помага и ја ублажува тагата, тој всушност само ја продолжува, покажува студија на Универзитетот во Токио.

Тим јапонски истражувачи предводени од професорот по фармакологија Норио Мацуки откриле дека етанолот содржан во алкохолот не помага во заборавањето, како што се верува, туку напротив придонесува спомените да останат добро всадени во меморијата.

Затоа, професорот Мацуки советува да не се прибегнува кон алкохол ако некој сака да заборави некое непријатно искуство, туку дека е подобро што е можно побрзо, да го избришете со нешто пријатно. 

Истражувачите дошле до ова откритие со тестирање на лабораториски стаорци кои биле подложени на благ електричен удар, а потоа биле вратени во кафез, по што, секогаш кога ќе го отвореле кафезот, глодарите би биле преплашени. Набудувајќи ги реакциите кај групата животни на кои им биле инјектирани алкохол и други на кои им бил даден солен раствор, истражувачите откриле дека стравот трае подолго, во просек две недели, кај стаорците кои примале алкохол. 

– Ако ги примениме овие резултати кај луѓето, тоа значи дека лошите спомени од кои сакаме да се ослободиме ќе траат подолго ако внесуваме алкохол, иако на моменти има одредена еуфорија – истакнуваат јапонски истражувачи.