Англиски медиуми: Клоп го посакува најдобриот млад играч на последното Европско првенство

Ливерпул има големи проблеми со повредите оваа сезона. По долгите отсуства на Тијаго, Ван Дијк, Александар-Арнолд, Кеита и уште неколку важни играчи, во англиските медиуми се појави гласина дека Вајналдум е на излезната врата од клубот. 

Доколку се случи тоа, Клоп наводно веќе има подготвена замена. Станува збор за 23-годишниот Португалец Ренато Санчез, најдобриот млад играч од ЕП 2016.

Санчес се пресели во Баерн како голема ѕвезда откако го освои златото со Португалија, но не играше многу во Германија. Кариерата ја спаси со заминувањето во Лил минатото лето. Во првата сезона тој забележа 19 настапи во првенството, а во оваа веќе осум. 

Договорот на Вајналдум истекува на лето и тој наводно не може да се договори за неговата плата со клубот.