Руски научник: „Оние кои заболеле од грип имаат малку шанси да се заразат со коронавирус“

Помеѓу 10 и 15 проценти од населението во Русија е имуно на коронавирусот, а тој имунитет може да трае неколку години, тврди Петар Чумаков, експерт во Ингелхард институтот за молекуларна биологија при Руската академија на науките. 

Според него, тоа е можно ако лицето имало друг вирус. 

„Можеби таа личност сè уште има Т-клетки, односно клеточен имунитет што го препознава и овој нов коронавирус, кој е заштитен од повторна инфекција“, изјави Чумаков во интервју за агенцијата URA.RU. 

Тој исто така тврди дека луѓето кои неодамна имале грип имаат мали шанси да се заразат со коронавирусот затоа што во крвта има многу антивирусен протеин интерферон, кој спречува нова инфекција, пренесува ТВ Звезда.