Седењето го забрзува стереењето

Седечкиот начин на живот, во студија спроведена во САД, е поврзано со забрзување на процесот на стареење на клетките. 

Податоците собрани од околу 1.500 испитаници на возраст од 64 до 95 години укажуваат на тоа дека клетките на физички неактивните жени се биолошки во просек за 8 години постари од клетките на нивните физички активни врсници, објави American Journal of Epidemiology.

Процесот на стареење бил следен со помош на анализа на состојбата на теломерите. Пократките теломери веќе се поврзуваат со зголемен ризик од срцеви заболувања, дијабетес и некои видови на рак. 

Научниците од Универзитетот во Калифорнија пишуваат дека нивните откритија се потврда дека животните навики можат да го забрзаат процесот на стареење. 

Според нив, исклучително е важно да се одржи физичка активност дури и во староста.