Зошто понекогаш треба да се прекрши диетата?

Еднаш неделно е дозволено

Диетата и промената на начинот на исхрана доведуваат до уште поголема желба за некоја храна што не смееме да ја јадеме. Но, новото истражување вели дека е дозволено, па дури и пожелно, новите правила на исхрана повремено да се прекршат. 

Истражувањето спроведено во Португалија откри дека е добро да земете еден „слободен“ ден од вашата диета во текот на неделата и да јадете нешто нездраво, во кое вообичаено уживате. Луѓето кои го практикуваат ова еднаш неделно, многу полесно се справуваат со диетите.

Ова, се разбира, не значи дека треба да јадете вакви оброци секој ден, туку да направите баланс што ви одговара. 

„Најдобро би било да е недела, затоа што на тој начин ќе бидете дисциплинирани во текот на целата недела“. 

Научниците ги поделиле испитаниците во две групи и сите трошеле 10.500 калории неделно. Едната група морала строго да се придржува до планот за здрава исхрана, додека другата група можела во недела да јаде што сака. 

Испитаниците од втората група биле многу помотивирани да изгубат тежина, не им било многу тешко исфрлањето на нездравата храна од нивната исхрана и генерално биле посреќни во текот на целиот процес.