Здравствен работник имал алергиска реакција на Фајзеровата вакцина

Забележани се неочекувани потешкотии во текот на првите денови од употребата на вакцината на Фајзер, вклучувајќи дози од вакцината кои се чуваат на многу ниски температури, потенцијални предизвици за самата компанија во производството на вакцината, како и алергиска реакција кај еден здравствен работник. 

Здравствен работник на Алјаска имал сериозна алергиска реакција откако бил вакциниран со Фајзеровата вакцина, објави денес The New York Times повикувајќи се на три извори кои се запознаени со здравствената состојба на лицето.

Тој вчера имал алергиска реакција, а неговата состојба се стабилизирала по хоспитализацијата. Не е познато дали претходно имал слична реакција. 

И не е само тоа што тргна наопаку. 

Најмалку два контејнери со дози на вакцини доставени во Калифорнија треба да бидат заменети затоа што се чувале на температура под -80 степени Целзиусови, изјави американскиот воен генерал Густав Перна. Вакцината на Фајзер-Бајонтек треба да се чува на температура од околу -70 степени Целзиусови.

Се истражува дека чувањето на вакцината на прениски температури претставува ризик за нивната безбедност и ефикасност, додаде Перна. 

Фајзер објави и проблеми во производството на вакцината, изјави американскиот министер за здравство, Алекс Азар. 

Угур Сахин, извршен директор на Бајонтек, минатата недела изјави дека првичната цел за производство на 100 милиони дози вакцини во 2020 година е преполовена претходно оваа година, делумно поради потешкотиите во снабдувањето со суровини. Тој додаде дека проблемот е решен во меѓувреме и дека производството на голема количина вакцини продолжува.