Оливер Стоун ја прими руската вакцина против коронавирус: Не разбирам зошто ја игнорираат

Американскиот режисер Оливер Стоун ја прими руската вакцина против ковид и изјави дека не му е јасно зошто ја игнорираат на Запад. 

– Ја примив вакцината пред неколку дена. Сè уште не знам колку е ефикасна руската вакцина, но имам слушнато многу позитивни реакции на неа – изјави Стоун за рускиот „Прв канал“.

Во август, Министерството за здравство на Русија ја регистрираше првата вакцина во светот за спречување на Kовид-19, што беше развиена од Националниот истражувачки центар за епидемиологија и микробиологија „Гамалеја“ во соработка со Рускиот фонд за директни инвестиции.