Според FDA, вакцината на Модерена е безбедна и ефикасна 95 проценти

Администрацијата за храна и лекови на САД (FDA) објави дека вакцината против коронавирусот од компанијата Модерна е безбедна и ефикасна 95%, што отвора пат за нејзино итно одобрување во САД. 

Доколку вакцината ја одобри FDA, тоа би можело да биде втора одобрена вакцина за коронавирус во САД, пренесува BBC. 

Персоналот на FDA наведува дека режимот на давање две дози на вакцината на Модерна е многу ефикасена во спречувањето на потврдени случаи на Ковид-19, додава Ројтерс.

Коментарите на FDA беа објавени во документите подготвени за состанокот на надворешни експерти кој ќе се одржи во четврток, а на кој ќе се разговара дали да се поддржи американското овластување за итна употреба на вакцината на Модерна. 

Во САД, во понеделникот започна вакцинацијата на граѓаните со вакцина произведена од компаниите Бајонтек и Фајзер. 

За разлика од вакцината Фајзер, вакцината на Модерна не бара екстремно ладни услови за складирање при испорака.