Нова форма на коронавирус пронајден во Велика Британија

Во Велика Британија е идентификувана „нова верзија“ на коронавирусот, изјави министерот за здравство, Мет Ханкок. 

„Ширењето на овој мутиран коронавирус е побрзо од претходните, но веруваме дека нема да биде поубиствено од другите варијанти и дека, благодарение на вакцината, ќе можеме да излеземе како победници од оваа битка“, додаде тој, пренесува Sky News.

Ханкок верува дека е „малку веројатно“ вакцината да не биде ефикасна против оваа нова мутација. 

Постојат извештаи за овој нов вид коронавирус во 60 области во Велика Британија, и се верува дека е сличен на оној пронајден во другите земји во последните неколку месеци.