Таксират Фестивал ја подготви досега најдолгата и најбогата културна ТВ програма!
Музичката конференција ПИН која е дел од фестивалот Таксират, се адаптираше на
сите протоколи и за неполн месец ја подготви најголемата културна телевизиска
програма – ПИН ТВ!
Културниот маратон спакуван во ТВ формат, на 13-ти декември премиерно се
емитуваше во повеќе од 40 држави, а реакциите од цел свет се мега позитивни!
Скромно ќе се пофалиме дека неофицијално ја нарекуваат фестивалска и културна
програма на годината.
Едукативните панел дискусии, концерти и бројните забавни содржини, преку
социјалните мрежи ги следеа стотици илјади гледачи низ целиот свет.
ПИН ТВ се изработи со цел да ги документира сите случувања во музичката
индустрија во изминатите месеци, а преку својата богата програма ја докажа
важноста на индустријата која е една од најпогодените од пандемијата.
Во тек на 13-часовната програма, претставници од најголемите фестивали,
агенции, компании, промотери, букинг агенции и изведувачи дискутираа на
најважните теми од музичката индустрија: како се дефинираат хонорарите, ПР и
маркетинг, односот на надлежните институции и Европската комисија кон
индустријата, работата на музичките експорт бироа, иднината на фестивалите,
музичка технологија..
ТАКСИРАТ & ПИН ТВ ПРОДОЛЖУВААТ ЦЕЛ ДЕКЕМВРИ
Таксират и ПИН ја продолжуваат својата најважна мисија – промоција на
најквалитетните домашни и странски музички изведувачи. Целосните концерти на
ПИН музичките изведувачи ќе може да се гледаат во текот на цел декември – месец
традиционално резервиран за Таксират Фестивал!
MOLCHAT DOMA (BY); DJAIKOVSKI (MK); ATNA (DE); FULU MIZIKI (CG); ALEXIA C
(GR); BERNAYS PROPAGANDA (MK); BOHEMIAN CRISTAL INSTRUMENT (CZ); CHE SUDAKA
(ES); VYDRAPENA BUZIRKA PUNK SYSTEM (SK); SUPERHIKS (MK); SHELTER BOY (DE);
GUACAYO (DE); DZAMBO AGUSEVI ORCHESTRA (MK); YON IDY(MK); TOKA SHITET(MK);
FUNKY FRESH (MK); ANTONIE VESKOVSKI (MK); LJUBOJNA (MK), PERIJA (MK); CROOK THE
KID (CA), CUT YOUR NIPPLE (MK)
Концертите ќе може да се гледаат на:
Taksirat Festival Youtube (https://password.us20.list-ma
)
Taksirat Festival Facebook (https://password.us20.list-ma
)
PIN Music Conference & Showcase Facebook (https://password.us20.list-ma
)
Гледај ПИН ТВ на Таксират #22 – вашиот традиционален филтер на чист воздух.
