САД ја одобрија вакцината на Фајзер

Американската администрација за храна и лекови објави дека дозволила итна употреба на вакцината за Ковид-19, што ја изработија фармацевтската компанија Фајзер и нејзиниот германски партнер Бајонтек, објави Гласот на Америка. 

Првите вакцини ќе бидат дадени на здравствени работници и жители на домови за стари лица, а вакцинацијата треба да започне во следните неколку дена. Тоа ќе биде најголемата вакцинација во американската историја – и ќе има глобални последици бидејќи Соединетите држави се модел за многу други земји кои се соочуваат со истите одлуки. 

Претседателот Трамп преку видео објавено на Твитер објави дека првиот човек во Америка ќе ја прими вакцината за помалку од 24 часа и дека вакцината ќе биде бесплатна за сите Американци, пренесува VOA.