Модерна започна со тестирање кај адолесцентите

Фармацевтската компанија Модерна денес соопшти дека ја дала првата доза на вакцината во вториот дел од последната фаза на тестирање на кандидати кои припаѓаат на возрасна група помеѓу 12 и 18 години. 

Тестирањето се спроведува во соработка со биомедицинското напредно тело за истражување и развој, кое е дел од Министерството за здравство на САД, пренесува Ројтерс.

“Со задоволство објавуваме дека започнавме со вториот дел од последната фаза на тестирање кај здрави адолесценти во САД. Наша цел е да собереме доволно податоци до пролетта 2021 година за да ја одобриме употребата на нашата вакцина подоцна во учебната година”, изјави Стефан Бансек, извршен директор на Модерна.

Тој додаде дека е охрабрен од прелиминарните резултати и анализите од третата фаза на тестирање кај оние над 18 години, додека тестирањето кај адолесцентите значително помага да се обезбеди безбедноста и ефективноста на вакцината кај помладата популација.

„Се надеваме дека ќе можеме да доставиме безбедна вакцина и да им дадеме заштита на адолесцентите за да можат да се вратат на училиште во нормални услови“, изјави Бансет. 

Модерна планира со две дози, во период од 28 дена да тестира 3.000 адолесценти во САД.