Необично истражување: Дали стресот е заразен?

Во студија објавена во Social Science & Medicine, научниците го проценуваа нивото на стрес кај 17 наставници кои подучуваат ученици од четврто до седмо одделение. 

Тие исто така го оценија нивото на кортизол, хормонот на стрес, на повеќе од 400 испитаници, нивни ученици.

Со земање брисеви од устата на учениците, кортизолот е мерен три пати за време на часовите. 

Истражувањата покажаа дека учениците имале поголемо ниво на кортизол во нивното тело доколку нивните наставници имале поголемо ниво на стрес. 

Авторите на студијата напишаа дека наставниците под стрес се помалку ефикасни, потешко управуваат со атмосферата во училницата, помалку се поврзани со учениците и не се задоволни од нивната работа. 

Оваа ситуација во училницата создава поголем стрес кај учениците. 

Важно е да се напомене дека се потребни дополнителни истражувања за да се открие на кои начини вашиот стрес влијае на луѓето околу вас.