Цела декада прва: „Форбс“ објави листа на најмоќни жени

Списанието Форбс објави листа на 100 најмоќни жени во светот, на кој германската канцеларка Ангела Меркел го освои првото место десетта година по ред. 

На второ место е шефицата на Европската централна банка, Кристин Лагард, а на трето е Камала Харис, новата потпретседателка на САД. Првата жена, првата Американка со темна кожа и првата Американка од Азија на позицијата потпретседател на САД за прв пат се најде на листата на најмоќни. 

На четвртото место е претседателката на Европската комисија, Урсула фон дер Лајен, а на 18-то место е директорката на ММФ, Кристалина Георгијева.

Најмоќните жени на 17-тата годишна листа на Форбс доаѓаат од 30 земји, а меѓу нив има 10 шефови на држави, а 38 се од деловниот свет. 

Жената на милијардерот Гејтс, Мелинда Гејтс, ТВ ѕвездата Опра Винфри, кралицата Елизабета Втора, спикерот на Претставничкиот дом на САД, Ненси Пелоси, премиерката на Нов Зеланд, Џасинда Ардерн, пејачките Ријана и Бијонсе исто така се најдоа на листата на Форбс, 100 најмоќни жени во светот.