Фејсбук не го толерира ова: Бидете внимателни што објавувате

Откако на Фејсбук беше објавено видео во живо во кое Марк Цукерберг и д-р Ентони Фаучи зборуваа за коронавирусот, објавата беше преплавена со бројни коментари. Меѓу оние кои имаа што да кажат беа бројни теоретичари на заговор и оние кои се против вакцините. 

Компанијата реагираше после тоа, па можеше да се слушне дека сите дезинформации за новите вакцини ќе бидат отстранети од оваа социјална мрежа. Теориите на заговор не се ништо ново и има многу кои, и покрај бројните легитимни извори на информации, сепак избираат да веруваат во параноидни визии за светот.

Бидејќи веќе некое време се зборува за вакцините против Ковид-19, има многу кои се занимаваат со оваа тема. Фејсбук и Инстаграм ќе ги отстранат сите тврдења што експертите ги препознаваат како лажни, пред се затоа што експертите најдобро се разбираат во теми поврзани со работата што ја работат, пишува PCPress.

Меѓу примерите на лажни вести што ќе бидат отстранети се и оние во кои се тврди дека новите вакцини содржат микрочипови. 

Пред овие одлуки, немаше јасни правила за објавите поврзани со новите вакцини, но сега треба да му се застане на патот на секој што споделува непроверени информации што служат само за создавање паника.