СЗО се огласи по повод воведувањето на задолжителна вакцинација против коронавирус

Досега, 67,6 милиони луѓе биле заразени со корона вирусот во светот, а повеќе од 1,5 милиони луѓе починале како резултат на Ковид-19 

Светската здравствена организација не предвидува дека земјите ќе воведат задолжителна вакцинација против коронавирусот, изјави директорката на СЗО за вакцини и биолошки производи Кејт О’Брајан.

„Мислам дека не очекуваме дека некоја земја ќе има задолжителна вакцинација“, изјави О’Брајан.

– Можеби има некои земји или некои ситуации во земји каде што професионалните околности го бараат тоа или силно се препорачува вакцинација – додаде таа и посочи дека болниците може да бидат еден таков пример. 

Според последните податоци на страницата Worldometers, досега во светот биле заразени 67,6 милиони луѓе со коронавирус, а повеќе од 1,5 милиони луѓе починале како резултат на Ковид-19.