Монт Еверест е повисок отколку што мислевме: „Порасна“ за скоро еден метар!

Екипи од Кина и Непал направија ново мерење и открија дека Монт Еверест е висок точно 8.848,86 метри. Ова го објавија министрите за надворешни работи на Кина и Непал, Ванг Ји и Кумар Џавали. 

Индиски научници извршиле мерења во педесеттите години од минатиот век и тогаш било објавено дека оваа планина е висока 8.848 метри.

Непалската експедиција, која беше на врвот минатата година, и кинеската, која беше оваа година, ја измерија новата надморска височина со помош на Глобалниот сателитски систем за навигација (GNSS), радари за снимање на површина, скенери, антени и друга опрема. Тоа беше првпат истражувачите да ја измерат висината на врвот од врв, бидејќи досега тоа се правеше со традиционални тригонометриски методи. 

Во Непал, ова мерење беше прашање на национална гордост, бидејќи земјата досега се потпираше на мерењата на експерти од странство.

Експертот за геодезија и глечери, Кристијан Герлах, од Баварската академија на науките, изјави дека висината не се променила поради новите методи на мерење, туку затоа што навистина е различна, што може да биде последица на движење на тектонски плочи или топење на снегот.