Викендов се одржа седмото по ред Европско слем-првенство
Викендов се одржа седмото по ред Европско слем-првенство на кое победи Олза Олзета од Шпанија, слемерка, основачка на „Поетри-џем против капитализмот и патријархатот“ (Jam Poética y musical contra el capitalismo y el patriarcado) и координаторка на анти-расистичкиот ЛГТБИКју+ отворен микрофон во Проле, Барселона. Европското слем-првенство се одржаа две полуфиналиња на кое земаа учество натпреварувачки и натпреварувачи од 19 земји од Европа: Франција, Литванија, Русија, Грција, Чешка, Србија, Словенија, Словачка, Финска, Естонија, Кипар, Белгија, Португалија, Данска, Шпанија, Унгарија, Хрватска и Ирска редоследно, од кои 10 земји влегоа во финалето. Годинешниот македонски претставник беше огранизаторот на традиционалниот Национален поетри-слем натпревар во Прилеп, Игор Трпчески Домаќин на Европското слем-првенство е градот Марибор во Словенија, а организатор е Младинскиот културен центар во Марибор во коорганизација на СиСлем – Словенечката мрежа за слем-поезија. Поради вонредните услови на пандемија, настанот се случи онлаин, а настапите се проследија како слем-видеа. Настанот го модерираа Мојца Фрим и Јуш Милчински, а сценариото го подготви Нина Медвед во соработка со Петра Колманчиќ, кои се јавуваат како извршни продуцентки на првенството. Меѓународното жири го сочинуваа слем-поетесата Елена Пренџова од Македонија, поетот и критичар Денис Шкофиќ од Словенија, поетот и организатор на слем-настани Марио Томиќ од Австрија и поетот-изведувач Јан Малин од Естонија, а со еден глас придонесе и онлаин публиката преку електронско гласање. Комисијата на првенството го сочинуваа рап-музичарот и слем-поетот Мишел Ристов и поетесата и критичарка Хелена Земљиќ. Победничката доби специјален пехар, уметничка скулптура од Јоже Шубиц, овогодинешниот добитник на Наградата за животно дело на Словенечката мрежа на друштва за визуелни уметности. Снимките од двете полуфиналиња и финалето може да се гледаат на Фесбук-страницата на националните слем-друштва од 6 земји, меѓу кои, и на Поетри-слем Македонија: https://www.facebook.com/
