Хелен Мирен: „Јас сум стара и изгледам така, но никогаш не би отишла под нож“

Британската актерка и оскаровка Хелен Мирен (73) последните години зборуваше за тоа како убавината не и е важна и како никогаш не би отишла „под нож“ поради нејзиниот изглед. 

“Јас сум стара и изгледам така. И тоа е во ред. Луѓето зборуваат за добро стареење, а јас воопшто немам претстава што значи тоа. За мене, тоа е прифаќање на тоа кој си, што си и продолжуваш понатаму”, изјави легендарната актерка. 

Таа вели дека „феноменот Кардашијан“ не и е импресивен, но смета дека „донесе нешто добро“, па на жените сега им е “дозволено” да имаат задник и бутови.

Во интервјуто таа откри и колку и е важна независноста, а нејзините родители уште од мали нозе ја научиле дека никогаш не треба да зависи од маж. Ниту емотивно ниту финансиски. 

“Едно од работите што ме научија родителите, а тоа е многу важно за мене како жена, беше – мора да бидете финансиски независни. Отсекогаш сум работела, секоја година од својата кариера работев најмалку две или три работи. Сега сум финансиски независна и сигурна, и го сторив тоа сама, никој не ми помогна “, откри Хелен.