Данските научници докажаа дека ТРЧАЊЕТО ГО НАМАЛУВА ТУМОРОТ

Данските научници откриле дека кај глувците кои поминувале повеќе време на тркалото за трчање, туморот се смалувал за 50 проценти повеќе отколку кај глувците кои не биле физички активни.

Адреналинот, кој ја придружува физичката активност, помогна да се насочат имуните клетки кои убиваат тумор кон тумори кои биле всадени во белите дробови, црниот дроб или кожата на глувците, заклучиле истражувачите. Резултатите од студијата беа објавени во списанието Cell Metabolism.

„Познато е дека инфилтрацијата на имуните клетки на природните убијци (НК клетки) може да ја контролира и регулира големината на туморот, но никој не проучил како вежбите влијаат на тој систем“, изјави водачот на истражувањето Пернил Хојман од Универзитетот во Копенхаген.

Како дел од истражувањето, инициравме адреналин кај глувците за да го имитираме зголемувањето што го гледаме за време на вежбање. Тогаш видовме дека НК-клетките се мобилизираат во крвотокот и ако има тумор ќе го пронајдат.

За да го потврдат резултатот, научниците ги отстраниле НК-клетките кај некои глувци и потоа им дале адреналин. До намалување на туморот во овие случаи не дошло.

Хојман вели дека податоците покажуваат дека поинтензивно вежбање може да им користи на пациентите со тумор за да ги стимулираат НК-клетките да функционираат, но дека претходно е потребно човечко истражување, како и проучување на ефектите од поинтензивно вежбање врз метастазите на туморот или животниот век на заболените од тумор.