Експертите утврдија колку време може да поминеме во продавница без да се заразиме
Научниците понудија неколку совети за да се заштитиме од Ковид-19 кога сме во продавница, а исто така открија колку време е доволно да поминеме во продавницата за да купиме сè што ни треба.
„Се чини дека половина час е вистинското време“, изјави за The New York Times Linsey Mar, доктор по аеросолна наука во Virginia Tech, објаснувајќи колку брзо можеме да ја купиме храната и потребните намирници. Таа додаде дека може да го набавиме она што ни треба за половина час, без да преземеме ризици.
Dr. Michael Osterholm член на Советодавната група за Коронавирус на новоизбраниот претседател Џо Бајден се согласува, додавајќи дека времето на изложување е навистина важно.
Мар советува да направиме список за шопинг, да носиме маска, да не го допираме лицето како и да држиме дистанца. Таа исто така напоменува дека временскиот рок од 30 минути не се базира на одредена студија, туку на работата на експертите за вентилација и други научници кои го анализирале ширењето на вирусот.
Таа исто така не советува да избегнуваме одење во продавница во најпрометните периоди со цел да го ограничиме контактот со други луѓе. Не се препорачува да се оди во продавница во сабота од 12 до 15 часот, бидејќи податоците од Google Maps покажаа дека тогаш повеќето луѓе одат во продавница. Продавници со најмалку гужва има во понеделник во 8 часот.
Мар наведува дека не е потребно да ја дезинфицираме количката, само да внимаваме да не го допираме лицето. Не е потребно да носиме ракавици, доволно е да ги измиеме рацете веднаш откако ќе завршиме со купувањето. Се препорачува безконтактно плаќање, а може да си носиме наша торба за храна.
Во раните денови на пандемијата, многумина исто така ја бришеа храната, плашејќи се од инфекција со коронавирус. Но, научниците утврдиле дека шансата да се заразиме на овој начин е многу мала. Д-р Мар забележува дека дури и ако заразено лице ја допрело храната што сме ја купиле, сепак нашите раце претставуваат поголем ризик за пренесување. Затоа забележува дека миењето на рацете е клучно за да се заштитиме, пренесуваат медиумите.
