Лудило, тепачки, киднапирања и НАЈДОБРИ ПОПУСТИ. Еве како настана феноменот ЦРН ПЕТОК

Последниот петок во ноември е резервиран за најголемите попусти, кои се „слават“ низ целиот свет

Обичајот на празничен шопинг по повод Денот на благодарноста, кој се слави последниот четврток во ноември, се пресели низ целиот свет во форма на феномен – Црн петок!

Црниот петок е најголемиот празник меѓу љубителите на шопинг ширум светот и датира од 1952 година, кога стоковните куќи Macy’s и Eaton’s започнаа низа попусти на нивните производи.

Бидејќи Денот на благодарноста е најголемиот семеен празник во Америка, следниот ден има целосен колапс на сообраќајот во градовите низ САД, поради што сообраќајната полиција овој ден го нарече Црн петок.

Дваесет години подоцна, овој феномен стана светски тренд. Така, од 2005 година, овој ден стана најпрометниот ден во однос на трговијата и продажбата, и бидејќи само еден ден веќе не е доволен, попустите обично траат за време на викендот.

Потеклото на терминот Црн петок

Кога овој термин беше првпат употребен во раните 1960-ти во Филаделфија, тој се користеше во контекст на „црниот“ ден за возачите, поради огромниот метеж во сообраќајот поради распродажбата.

Името Црн петок произлегува и од изразот „In the Black“ на англиски јазик, односно кога продавниците остваруваат профит.

Во светот е вообичаено продавниците да се отвораат веќе на полноќ или многу рано наутро и да се создаваат огромни редици пред нив. Купувачите желни да купуваат на попуст честопати се возат со автобус пред нивната омилена продавница претходната вечер, спијат пред нив, само за да бидат првите кои ќе ги искористат попустите.

Тепачките и хаосот се сосема вообичаени во светот за време на Црниот петок.