Наместо Марадона, луѓето се збогуваат со Мадона на Твитер

---

Легендарниот фудбалер Диего Армандо Марадона почина, а на Твитер луѓето масовно се збогуваат со поп дивата Мадона (62), наместо со Марадона.

Луѓето се збуниле поради презимето на легендарниот фудбалер, затоа што веројатно го прочитале погрешно, и сметаат дека поп дивата починала, а на социјалните мрежи изразија жалење за нејзината смрт.

„Почивај во мир Мадона“, „РИП Мадона“, „Не знаев дека името на Мадона е Диего. РИП“, „Мадона, никогаш нема да те заборавиме“, „Мадона, ќе бидеш во нашите срца“ … се дел од објавите на Твитер.

Некои веруваат дека помладите генерации, кои ја сакаат Мадона, погрешиле и не се информирани кој е легендарниот фудбалер Марадона. Како што сè излезе од контрола, има и такви кои се обидоа да се најдат себеси и да се „извлечат“ од ситуацијата.

– Ударни вести! На 62-годишна возраст, американската пејачка и „кралица на попот“, Мадона, беше пронајдена жива во нејзината куќа – напиша еден корисник на Твитер.

Да потсетиме, Марадона почина во својот дом во Тигре, Аргентина, каде се опоравуваше по операцијата на хематом на мозокот што ја имаше пред две недели.

Марадона, за кој велат дека е еден од најдобрите фудбалери на сите времиња, ја доведе Аргентина до освојување на Светското првенство во 1986 година, што беше кулминација на неговата голема кариера.

I