„Дедо Мраз, држи дистанца, редовно мие рацете и носи маска кога е потребно“

Рестриктивните мерки низ цела Европа ги натераа владите на многу земји да наложат секој што ќе носи костим на Дедо Мраз да држи дистанца и да носи маска.

Властите во Европската унија се обидуваат да им овозможат на граѓаните да го слават Божиќ со своите семејства и да ги ублажат ограничувачките мерки дозволувајќи пет лица да бидат присутни во едно домаќинство за Божиќ, што повеќето Европејци го слават на 25 декември, според Ројтерс.

Многу од нив ќе ги откријат своите планови оваа недела и ќе размислат на сличен начин, а тоа е да се ограничи бројот на луѓе на семејни собири, додека некои фестивали се откажани, како што е германскиот божиќен пазар или Парадата на мудрите во Шпанија, според Ројтерс.

Белгискиот премиер Александр де Кро е загрижен за третиот бран што може да следи, откако вториот започна да слабее. „Или ќе го прекинеме третиот бран за Божиќ или третиот бран ќе започне тој ден“, изјави Де Кро, кој планира да слави само со сопругата и двете деца.

Белгиската влада дури му пишала на Свети Никола, односно како што го нарекуваат овој светец на Запад, Дедо Мраз, кој традиционално им дели подароци на децата на 6 декември. „Дедо Мраз држи дистанца, редовно миј ги рацете и носи маска кога е потребно“, се вели во соопштението на белгиската влада.