Папа Франциско: Вие што протестирате против маските …
Папата Франциско нема разбирање за демонстрантите кои се против рестриктивните мерки, особено носење маски.
За луѓето кои протестираа по насилната смрт на афроамериканецот Џорџ Флојд, тој изјави дека тие на тој начин изразиле „здрав гнев“ против расизмот.
„Некои групи протестираа, одбија да се држат на дистанца, маршираа против забраната за патување – како да мерките наметнати од владите се еден вид политички напад врз личната слобода“, напиша папата во новата книга, објави Гардијан.
Тој го поддржа носењето маски како форма на заштита од короната.
„Истите тие луѓе кои протестираа против ограничувачките мерки никогаш немаше да протестираат против смртта на Џорџ Флојд, ниту пак ќе демонстрираат затоа што некаде во светот на децата им недостасува вода за пиење, образование или поради семејства кои ги загубија сите приходи поради пандемијата. Не, тоа нема да допре до нив, тие не би протестирале затоа што не се во можност да излезат од нивниот мал свет на лични интереси “, додаде Франја.
