Прва почнува Германија?

Германија може да започне да ги вакцинира граѓаните од коронавирус следниот месец, најави германскиот министер за здравство Јенс Шпан.
“Има причина за оптимизам дека вакцината ќе биде одобрена во Европа оваа година. И тогаш можеме да започнеме веднаш”, изјави Спан во интервју за германски РНД.
Тој додаде дека побарал од сојузните германски држави да подготват центри за вакцинација до средината на декември, пренесува Ројтерс.
„Повеќе би сакал центрите за вакцинација да бидат подготвени неколку дена порано отколку да имам одобрена вакцина што не се користи веднаш“, изјави Спан.
Тој посочи дека Германија обезбедила повеќе од 300 милиони дози на вакцина преку Европската комисија, билатерални договори и други опции и рече дека тоа е повеќе од доволно и дека дури остава простор за споделување на вакцината со други земји.