„Првите дозволи за вакцинирање во втората половина на декември“

Претседателот на Европската комисија, Урсула фон дер Лајан, изјави дека според проценките на Европската агенција за лекови, првите дозволи за употреба на вакцината против Ковид 19 се очекуваат во втората половина на декември, и тоа за вакцините на компаниите „Фајзер“ – „Бионтек“ и „Модерна“.

Европската агенција за лекови објави дека до крајот на годината треба да се даде „зелено светло“ за употреба на вакцината против Ковид19 на територијата на ЕУ и вакцинацијата да започне во јануари 2021 година.

ЕУ предупредува дека е потребно да се развие стратегија за вакцинација и да се утврдат приоритетните групи што ќе бидат вакцинирани со првите достапни дози.