Кога Златан части …

Стартуваше продажбата на новиот Sony Playstation 5, а Златан Ибрахимовиќ, како што пишуваат италијанските медиуми, решил да купи дваесетина парчиња и да ги почести своите соиграчи од фудбалскиот клуб Милан, кој во моментов е прв во Серија А.

Така, Матео Мусакио, Саму Кастилјехо и Рафаел Леао објавија фотографии на своите социјални мрежи, заблагодарувајќи му се на Ибрахимовиќ за извонредниот подарок.

Досега се одиграа седум кола во италијанскиот шампионат, а Златан Ибрахимовиќ во моментов е најдобар стрелец во лигата, бидејќи постигна дури осум погодоци.

Не е лошо за 39-годишник.