На дел од улицата Ќемал Сејфула и на дел од ул. Втора Македонска бригада, ќе биде воспоставен времен сообраќаен режим.

Утре /сабота 21.11.2020 година/ почнувајќи од 07 часот наутро, па се до завршување на градежно-монтажните работи за поставување на гасоводна цевка, на дел од улицата Ќемал Сејфула и на дел од ул. Втора Македонска бригада, ќе биде воспоставен времен сообраќаен режим.

Изведбата на гасоводот- Делница 1Д, во ингеренции на ГА-МА Ад. Скопје, ќе се одвива на потегот кај крстосницата помеѓу ул. Втора Македонска Бригада и ул. Ќемал Сејфула до к-цата помеѓу ул. Втора Македонска Бригада и ул. Ферид Бајрам во непосредна близина на зградата на Општина Чаир. 

Апелираме до сите учесници во сообраќајот да бидат внимателни и да ја прилагодат својата брзина на движење според условите на патот, како и да ја искористат околната улична мрежа за да стигнат до посакуваните дестинации.