Можен трансфер на Мбапе во Ливерпул

Напаѓачот на Франција и PSG, Килијан Мбапе можно е да ги смени клубовите. Фудбалерот е во областа на интересите на Реал Мадрид, но во последно време упатените велат дека талентираниот играч може да се пресели во англискиот Ливерпул.

Тренерот на Ливерпул, Јирген Клоп се надева дека ќе биде тренер на Мбапе следната сезона, според шпанското издание на Спорт. Во исто време, познато е дека напаѓачот има добар личен контакт со тренерот на „црвените“. Мбапе е и фан на Клоп.

Исто така,  договорот на Мбапе со PSG истекува во 2022 година, а засега нема навестувања дека тој ќе биде продолжен. Ова може да ги натера шампионите во Лига 1 да го продадат Килијан следното лето и Реал веројатно ќе има многу голем ривал за 20-годишниот Французин.