Хамилтон против Шумахер, што велат бројките? Британецот има повеќе победи и пол позиции, подобри проценти
Британскиот возач во Формула 1, Луис Хамилтон победи на трката за ГН на Турција во Истанбул парк и ја освои седмата титула во „најбрзиот циркус на светот“.
Така тој се изедначи со рекордот на Михаел Шумахер, а на 35-годишна возраст и во формата во која се наоѓа, Хамилтон има шанса да го надмине тој рекорд. Затоа е интересно да се споредат двајцата возачи во одредени статистички параметри.
Хамилтон во Турција стигна до 94-та победа во кариерата, Шумахер има три помалку, значи 91. Германецот имаше 68 пол позиции и 306 стартови. Шумахер се искачи на подиумот дури 155 пати и 77 пати имаше најбрзи кругови.
Неговиот процент на победи е 30 проценти. Од своите седум титули, Шумахер првите две ги зема со Бенетон, во средината на 90-тите, а останатите со Ферари на крајот на 20-от и 21-от век.
Многумина го сметаа за бескомпромисен и контроверзен возач бидејќи се добро познати неговите епизоди со Дејмон Хил и Жак Вилнев во одлучувачките трки за сезоните 1994 и 1997 година.
Познатие е и неговите “битки” со Мика Хакинен, кој беше голем ривал на Шумахер кон крајот на 90-тите.
Хамилтон се споредува со него на следниот начин. Британецот ја освои првата титула во 2008 година со Мекларен, а потоа од 2014 до 2020 година, сите со Мерцедес, само 2016-тата година ја прескокна.
Тој имаше 264 стартови и 94 победи. Тој беше 97 пати на пол-позицијата, а на подиумот уште 163. 53 пати извозе најбрзи кругови, а има и подобар процент на победи со 35 проценти.
На негова сметка оди и тоа што беше најмладиот шампион кога ја освои првата титула, иако тој рекорд подоцна го надмина Себастијан Фетел.
Хамилтон во повеќе наврати имаше среќа токму кога се натпреваруваше против Фетел, но тој е еден од најстабилните и со добар тим зад себе и најконстантни елитни возачи, кои во неделата изјави дека тој „само што почнал да вози“.
