Инстаграм и Месинџер добиваат нова опција: Знаете кога некој ве „озборува“

Месенџер и Инстаграм добија нова возбудлива опција – пораки што исчезнуваат.

Овој режим за пораки наречен „Vanish Mode“, можете да го вклучите или исклучите во подесувањата на која било порака.

Тој може да се активира само ако двете страни се согласат – затоа, ќе биде потребно одобрување од сите вклучени во разговорот. Покрај тоа, ќе добиете известување ако вашиот соговорник направил „screenshot” на екранот, што веројатно значи дека тој го испраќа на некој друг.

За почеток, режимот Vanish ќе биде достапен во САД, а по некое време и во остатокот од светот.

Vanish Mode се претпоставува дека е обид на Фејсбук да ја привлече помладата публика. 

Имено, младите се повеќе се префрлаат на социјалните мрежи кои нудат можност за исчезнување на пораки и објави, со цел да бидат сигурни дека нешто од минатото нема еден ден да ги чини скапо, пренесува The Verge.