Студија: Два додатоци во исхраната им помагаат на старите лица да не се заразат со КОВИД-19

Редовното внесување на витамини Д и Омега-3 киселини го зајакнува имунитетот кај постарите луѓе до тој степен што може да им помогне да не се заразат со корона вирусот, покажа неодамнешна студија.

Двата додатоци се важни за добро здравје и може да се најдат во рибиното масло.

Студија, направена на над 2.000 пензионери, покажува дека земањето на овие додатоци значително го намалува ризикот од инфицирање со корона вирусот, а доколку се заразат, тие имаат далеку поголеми шанси за закрепнување, пренесува Дејли меил.

Професорот Хајке Бишоф-Ферари од Универзитетот во Цирих во Швајцарија, кој ја водеше студијата, изјави дека земањето на овие додатоци е од големо значење за постарите луѓе.

„Нашите истражувања покажуваат дека витаминот Д и Омега-3 киселините кај лица постари од 70 години, кои водат активен животен стил и немаат други болести, имаат големи придобивки кога станува збор за состојбата на коските, меморијата и моторните функции. Сепак, веруваме дека има ефект и врз инфекции, како што е Ковид-19 “, рече тој.

Прегледани се 2.157 здрави мажи и жени постари од 70 години и утврдено е дека 11 проценти од нив имаат поголема отпорност на инфекции.