Животни лекции кои вредат да се прочитаат
Кога животот е тежок, запомнете ги овие зборови
Пред повеќе од една деценија, Реџина Брет објави книга под наслов „Бог никогаш не трепнува: 50 лекции за мали тешкотии во животот“. Оттогаш па се до денес, нејзините зборови се цитирани и служат како мотивација за тешките денови.
Овие животни лекции беа напишани од жена која беше 11-то дете во семејството, која ги потопи своите грижи во алкохол на 16-годишна возраст, која родила на дваесет години, за во следните 18 години сама да се грижи за своето дете, и која ракот на дојката го победила на 41 година.
„Ако успеав да ги надминам сите тешкотии во животот, можеш и ти“, вели таа.
-Животот не е фер, но сепак е добар.
-Кога се сомневате, направете уште еден мал чекор напред.
-Животот е прекраток за да се потроши на омраза.
-Не сфаќајте се премногу сериозно. Никој друг не го прави тоа.
-Работата нема да се грижи за вас кога ќе се разболите. Вашите пријатели и родители ќе го сторат тоа. Негувајте ги тие врски.
-Не мора да победувате во секоја борба. Согласете се дека не се согласувате и продолжете понатаму.
-Полесно е да плачеш со некого отколку да плачеш сам.
-Секогаш заштедувајте пари за „црни денови“. Започнете да штедите од првата плата.
-Кога станува збор за чоколадо, отпорот е залуден.
-Прифатете го минатото за да не ви ја уништи сегашноста.
-Во ред е децата да ве гледаат кога плачете.
-Не го споредувајте вашиот живот со некој друг. Не можете да знаете низ што поминуваат сите во своето животно патување.
-Ако започнете денес, овој момент, можете да постигнете сè. Важно е да се продолжи, сè друго оди лесно.
-Животот е премногу краток за да се потроши на самосожалување. Земете ги “конците” во вашите раце и започнете да живеете.
-Ако сакате да бидете писател, пишувајте.
-Бидете подготвени за најлошото и тогаш ништо не може да ве изненади.
-Сè освен вашето детство зависи само од вас.
-Кога станува збор за работите што ги сакате, никогаш не прифаќајте не како одговор.
-Запалeте свеќи, облечете се убаво, ве молам. Не чекајте посебна пригода. Денес е посебен ден.
-Бидете ексцентрични сега. Не чекајте кога ќе остарите да носите виолетово.
-Без оглед колку е добра или лоша ситуацијата – таа ќе се смени.
-Игнорирајте што другите мислат за вас.
-Простете.
-Верувајте во чуда.
-Времето лечи сè.
-Ако ги натрупавме нашите проблеми на куп и ги споредивме со туѓите, веднаш би ги вратиле нашите назад.
-Зависта е губење време. Веќе имате сè што ви треба.
-Попуштајте. Тврдоглавоста обично не се исплати.
-Животот не е врзан со машничка, но сепак е дар.
-Ако не барате, нема да добиете.
-Без оглед на тоа како се чувствувате, станете, облечете се и излезете меѓу луѓе.
-Секогаш кога ќе се соочите со таканаречена катастрофа, запрашајте се: Дали ова ќе ми биде важно за пет години
-Ослободете се од сè што не е корисно, убаво и забавно.
-Запомнете: најдоброто допрва доаѓа.
