Детали за земјотресот кој беше почувствуван на цела територија на Македонија

На цела територија на државава рано утрово почувствуван е силен земјотрес. Според информациите од Сеизмолошката опсерваторија при Природно-математичкиот факултет во Скопје земјотресот бил со јачина од 5.0 степени по Рихтер.

Епицентарот на земјотресот бил во близина на Вруток, на длабочина од 10 километри, 50 километри југозападно од Скопје.

Земјотресот најсилно се почувствува во Гостивар и Маврово, a со послаб интензитет во Тетово, Скопје, Битола и Прилеп.