Уште една вакцина е ефикасна повеќе од 90 проценти

Руската вакцина Спутник V против Ковид-19 е ефикасна повеќе од 90 проценти, изјави директорката на институтот за истражување при руското Министерство за здравство, Оксана Драпкина, осврнувајќи се на податоците собрани од вакцинацијата на граѓаните, а не врз основа на испитувањето кое е во тек.

Нејзината изјава доаѓа по објавувањето на компаниите Фајзер и Бајонек, во кое се наведува дека нивната експериментална вакцина против Ковид-19 е ефикасна повеќе од 90 проценти, објави Ројтерс.

„Ние сме одговорни за следење на ефикасноста на вакцината Спутник V кај граѓаните кои ја примија како дел од програмата за масовна вакцинација“, рече Драпкина.

„Врз основа на нашите согледувања, нејзината ефикасност е исто така поголема од 90 проценти. Појавата на уште една ефикасна вакцина – тоа е добра вест за сите“, истакна Драпкина.