Pfizer: Нашата вакцина е 90% ефикасна, ова е голем ден за човештвото

Објавени се првите привремени резултати од големата студија за ефикасноста на вакцината за коронавирус, на која работат фармацевтскиот гигант Pfizer и BioNTech.

Според производителите, вакцината е 90% ефикасна, а анализата покажува дека таа покажува многу подобри резултати отколку што се надевале многу експерти.

“Денес е голем ден за науката и човештвото. Првиот сет резултати од третата фаза на истражувањето на вакцините против Ковид-19 ги ​​докажува првичните докази за способноста на нашата вакцина да ја спречи инфекција со коронавирус”, изјави извршниот директор на Pfizer, др Алберт Бурла.

„Дојдовме до критична точка во развојот на вакцината во време кога на светот му е најпотребна, кога стапките на инфекции достигнуваат рекордни нивоа, болниците се блиску до пренатрупаност и економиите се обидуваат повторно да се отворат“, додаде Бурла.

Како што продолжува третата фаза од клиничкото испитување, можно е процентот на ефикасност на вакцините да се смени, но податоците за ефикасност од 90% ќе ги израдува не само политичарите, туку и здравствените работници.

Третата фаза од испитувањето на вакцинaта на Phizer опфати 43.000 испитаници, а компанијата тврди дека вакцината подеднакво добро ги штити луѓето од сите етнички групи.

Собирањето податоци за безбедноста на вакцината ќе трае до третата недела од ноември, објавија од Phizer. Овие информации потоа ќе бидат испратени до регулаторот кој треба да ја одобри употреба на вакцината. Брзото добивање на одобрение за ставање во промет на вакцината може да значи дека здравствените работници ќе ги добијат првите дози на вакцината до крајот на оваа година, пишува Гардијан.