“Без видливи проблеми, не значи дека сте здрави. Телото може да има трајни последици”

Не мора да значи дека некој што нема симптоми на Ковид-19 е здрав, изјави италијанскиот имунолог Роберто Бурони, во напис за медицинското списание „Medical Facts“.
Тој потсетува дека ситуацијата со Ковид-19 е слична како и кај другите болести. На пример, луѓето кои заболуваат од рак, дијабетес, глауком, СИДА и друго, често, а особено во почетната фаза, немаат симптоми на болеста, но тоа не значи дека некој е здрав.

„Веќе е докажано дека таканаречените асимптоматски луѓе страдаат како последица на коронавирусот, нивниот организам е нападнат и може трајно да се оштети без тие да го знаат тоа“, тврди д-р Бурони.

“Исто така, луѓето кои немаат јасни симптоми на Ковид-19 се во можност да заразат други и тоа е еден од проблемите со коронавирусот”, додаде тој.