Јужна Кореја: Лек базиран на антитела ветува

Јужнокорејската биофармацевтска компанија „Селтрион“ соопшти дека за време на првата фаза од клиничко тестирање, нејзиниот антиковид лек CT-P59, на база на антитела, покажал дека оние кои го примиле добро го поднесуваат, без значителни безбедносни проблеми.

„Тестирањето покажа дека терапијата со лекот CT-P59 резултира со барем 44 проценти побрзо закрепнување во споредба со плацебо ефектот“, се вели во изјавата на Селтрион, истакнувајќи дека на никој од пациентите третирани со овој лек не им е потребна хоспитализација или дополнителна терапија, објави Ројтерс.

Компанијата доби официјално одобрување за третата фаза на клинички испитувања и има намера да побара условна дозвола за употреба на лекот во итни случаи.