Ф1: Нема публика во Бахреин

Нема да има публика на трките во Формула 1 во Бахреин, освен роднините на домашниот медицински персонал, и на тој начин ќе им се оддаде признание за нивната  работа во борбата против пандемијата на коронавирусот.

Оваа информација ја објавија организаторите на трката.

Во Бахреин ќе се одржат две трки во Формула 1 – Големата награда на Бахреин на 29 ноември и Големата награда на Сахир на 6 декември.

До крајот на шампионатот во Формула 1, покрај трките во Бахреин, ќе се одржат уште две – Големата награда на Турција на 15 ноември и Големата награда на Абу Даби на 13 декември.