Бајден на работ на голем пресврт во клучната Џорџија, разликата е 665 гласови

Изборите во САД се се поблизу до крајот, а во напнатата и тесна трка, демократскиот кандидат Џо Бајден е се поблизу до победа над сегашниот претседател, републиканецот Доналд Трамп.

Според најновите резултати, Бајден скоро го стигна Трамп во Џорџија, каде сега се изедначени во проценти и многу му се приближи во Пенсилванија, каде синоќа надокнади скоро 100.000 гласови заостанување зад Трамп.

 

Бајден синоќа рече дека сите гласови мора да бидат преброени, а Трамп свика прес-конференција во Белата куќа на која уште еднаш изнесе обвинувања за кражба на изборите, без да понуди конкретни докази за тоа и рече дека „ако се бројат само легалните гласови, тој лесно ќе победи“.

Моментален вкупен резултат од електорските гласови: Бајден – 264, Трамп – 214 

 

Моментална состојба во клучните земји каде пребројувањето на гласовите сè уште трае (податоците се ажурирани во 09:00 часот):

 

    Џорџија – води Трамп. Доналд Трамп – 49.4%, Џо Бајден – 49.4%. Преброени 99%. Државата носи 16 електорски гласови.

 

    Пенсилванија – води Трамп. Доналд Трамп – 49.6%, Џо Бајден – 49.3%. Преброени 95%. Државата носи 20 електорски гласови.

 

    Невада – води Бајден. Џо Бајден – 49.4%, Доналд Трамп – 48.5. Преброени 89%. Државата носи 6 електорски гласови.

 

    Северна Каролина – води Трамп. Доналд Трамп – 50.1%, Џо Бајден – 48.7%. Преброени 94%. Државата носи 15 електорски гласови.