Симпсонови ги предупредија Американците што ќе се случи ако не гласаат: Со кого ќе се потсмевате сега?
Темата за претседателските избори во САД, допре и до креаторите на Симпсонови, па Хомер се најде на гласачко место каде што треба да го заокружи претседателскиот фаворит, сеќавајќи се на сè што правеше Трамп за време на неговиот мандат.
„Твојот глас никогаш не бил поважен“, му вели Марџ додека е уште дома, и го одолговлекува одењето да гласа. Хомер пристигнува на гласачкото место сè уште неодлучен и дури помислува да и пише на судијката Џуди, но тогаш се појавува Лиза (со маска на лицето) и му вели: „Како може да си уште неодлучен, после изминатите четири години?“
Пред Хомер потоа се појавуваат наслови од потезите на Трамп за време на неговиот мандат како „ставање деца во кафез“, „плаќање данок од 750 долари“…
Потсетувањето завршува со: „А не го ни кажавме најлошиот“.
Потоа, Хомер гласа (за Бајден) и во камерата кажува: „А кому сега ќе се потсмевате во late-night емисиите?“
Но, тогаш се случува пресврт. И сега доаѓаат спојлерите, па ако не сакате да дознаете што се случува, престанете да го читате текстот.
Spoiler alert!
На крајот, излегува дека сето тоа било сон и дека Хомер воопшто не гласал, а неговиот глас би бил одлучувачки.
Епизодата се емитуваше на почетокот на оваа недела, а на социјалните мрежи се појави уште во октомври.
