СЗО: Студеното време не влијае на пренесувањето на вирусот

Светската здравствена организација соопшти дека коронавирусот може да се пренесе во сите временски услови и дека нема причина да се верува дека студеното време е смртоносно за вирусот.

Снегот и дождот можат да го отежнат пренесувањето на вирусот од контаминирани површини, но тој се пренесува претежно од личност на личност.

Научниците стравуваат од студено време најмногу затоа што луѓето ќе поминуваат повеќе време во заеднички затворени простори во кои полесно се шири вирусот.

Преносот на инфекцијата е тежок на отворен простор, бидејќи свежиот воздух ги  разбива и ги разнесува честичките на вирусот, но експертите предупредуваат дека без заштитна маска, вирусот може лесно да се пренесе и на отворен простор.
Тие потсетуваат дека носењето маска и физичката оддалеченост се најдобриот начин да се спречи ширењето на вирусот, објави AP.