НОВ ХИТ НА ИНТЕРНЕТ: Се појави нова социјална мрежа која „расте” побрзо од YouTube

На Интернет се појави нова видео платформа наречена YurOn, која расте побрзо од YouTube, пренесува ZDNet. Оваа мрежа ги поврзува корисниците на малку поинаков начин, со тоа што ги користи таканаречените видео разговори (threaded conversations).

Комуникацијата се одвива така што корисниците поставуваат прашања, но и одговараат на нив преку кратки видеа. YurOn постои само неколку месеци, но веќе има над пет илјади корисници кои сега поминуваат повеќе време на таа платформа отколку на Твитер.

Досега, YurOn има повеќе од пет илјади видеа и над сто илјади прегледи, повеќе отколку што имаше YouTube во истата фаза на развој.

Како да учествувате? На YurOn побарајте го прашањето на кое сакате да одговорите и објавете видео во времетраење до 30 секунди. Секој може да одговара  на прашањата, и на тој начин се создаваат поврзани разговори.