Како треба да изгледа здрав појадок

Истражувањата покажуваат дека секој први во месецот, многумина одлучуваат да започнат со здрава исхрана и физичка активност. И најважниот оброк, појадокот, мора да биде идеална комбинација на протеини и јаглехидрати.

Доколку сакате да го започнете денот здраво, треба да знаете која храна е одлична за добар и здрав појадок. Наместо јајца, пецива, салама и виршли, започнете да бирате поздрави намирници.

Ништо без интегрални житарки – Ако сакате да бидете здрави и полни со енергија, житарките мора да бидат интегрални. Една научна студија покажа дека житарките за појадок, како овесната каша, помагаат во концентрацијата и учењето. Значи, наместо рафинирани житарки од кои се прават разни пецива, палачинки и други популарни намирници, за појадок изберете интегрални житарки. Тие се поздрави и помагаат во одржување на линијата.

Протеините се добредојдени – Протеините се важен дел од здравиот појадок бидејќи, меѓу другото, ни даваат чувство на ситост што му овозможува на човекот да издржи без храна до ручекот. Значи, малку протеини за време на појадок во форма на млеко, јогурт, јајца или путер од кикирики не е лоша идеја, но не треба да се претерува. Ако прескокнете протеини за време на појадокот, ќе треба да ги надоместите во следните оброци, и тоа не е најпаметниот избор.