Уште една земја тестира вакцина: Имаат и по 10.000 заразени на ден

Израел објави дека започнал клиничко тестирање на својата вакцина против коронавирусот. Двајца Израелци во болниците во близина на Тел Авив и во Ерусалим примиле вакцина наречена „Брилајф“ како дел од првата фаза на клиничките испитувања.
Вакцината ќе се тестира на 80 лица во првата фаза, на 980 во втората и на 25.000 во последната фаза, планирана за април и мај.

Светската здравствена организација регистрираше четириесет „кандидати за вакцина“, која клинички се проверува низ целиот свет, а десетмина се во напредна фаза на тестирање на десетици илјади волонтери.

Почетокот на клиничкото испитување во Израел се совпадна со олеснувањето на ограничувањата воведени во септември за време на вториот бран на инфекцијата. Во Израел, кој има девет милиони жители, во септември дневно имаа од 8.000 до 10.000 заразени. Во изминатите неколку дена, тој број падна под 1.000