„Не застанувам додека не го најдам вистинскиот“: Жена се омажи и се разведе десет пати
Кејси се омажила и се развела десет пати. И како овој број да не не изненадува доволно, па оваа 56-годишна жена вели дека нема намера да запре се додека не го најде „вистинскиот“.Таа се пријавила за да добие совет од експерти во врска со нејзиниот љубовен живот.
Нејзиниот најдолг брак траел осум години, а најкраткиот само шест месеци. Успешната деловна жена, како што тврди д-р Фил, овие информации ги кажува со гордост и низ смеа.
„Дојдов до степен да се смеам, за да не плачам додека зборувам за тоа“, вели Кејси.
Иако на почетокот се смеела, до крајот на шоуто се расплакала неколку пати.
“Во секој брак ми се случуваше момент кога сфаќав дека не сакам повеќе да бидам во таа врска. Јас сум секогаш таа што предлага развод”.
Со еден маж била верена две години, имаат син и поминале седум години во брак.
„Зар не сфативте дека не сакате брак за време на двете години кога бевте свршени?“, ја прашал доктор Фил, а Кејси одговорила не, пренесува Mirror.
Кејси тврди дека сега е подготвена за брак со човекот на нејзиниот живот: „Не ми е гајле колку бракови стојат зад мене и уште колку ќе имам додека не ја пронајдам вистинската личност за себе“.
